Əgər ƏDV ödəyicisi deyilsinizsə və ardıcıl 12 aylıq dövrün istənilən ayında (aylarında) vergi tutulan əməliyyatlarınızın həcmi 200.000 manatdan artıq deyildirsə, yalnız ticarət və (və ya) ictimai iaşə fəaliyyəti ilə məşğul olursunuzsa və ardıcıl 12 aylıq dövrün istənilən ayında (aylarında) vergi tutulan əməliyyatlarınızın həcmi 200.000 manatdan artıqdırsa, seçiminizdən asılı olaraq, bina tikintisi fəaliyyəti ilə məşğul olursunuzsa, seçiminizdən asılı olaraq; avtonəqliyyat vasitəsi ilə respublika ərazisində daşımaları həyata keçirirsinizsə; idman mərc oyunlarını həyata keçirirsinizsə; mənzilinizi və ya qeyri-yaşayış obyektinizi satırsınızsa Sadələşdirilmiş vergi ödəyicisi ola bilərsiniz.
Sadələşdirilmiş vergi ödəyicisi olmaq hüququna malik olan vergi ödəyicisi (bu Məcəllənin 218.4-cü maddəsində nəzərdə tutulmuş vergi ödəyiciləri istisna olmaqla) hər il aprel ayının 20-dən gec olmayaraq, müvafiq bəyannaməni və ya bu Məcəllənin 218.1-ci maddəsində qeyd olunan hüquqlardan istifadə etməyəcəyi barədə yazılı məlumatı uçotda olduğu vergi orqanına təqdim edir.